ထိုင်နေရတာ နဲနဲညောင်းလာလို့ ၀ရံတာလေးဘက်ထွက်ပြီး ထုံးစံအတိုင်း လရှိရှိ မရှိရှိ ကောင်းကင်ကိုမော့ကြည့်တတ်တာ အကျင့်ပါနေပြီ....။ ဒီညတော့ ကောင်းကင်အလည်တည့်တည့်မှာ သာနေတဲ့လကို တွေ့လိုက်ရတယ်။ လမင်းရဲ့ဘေးနားတစ်ဝိုက် စက်ဝိုင်းကြီးလိုလို အလင်းတွေတွေ့လိုက်တော့ သူငယ်ချင်းတွေကို ခေါ်ပြချင်စိတ်တွေပေါ်လာတယ်။ ဘယ်သူငယ်ချင်းကိုခေါ်ရပါ့မလဲ........။ ကိုယ့်လို ရူးတဲ့သူ (ရန်စစ်)မှာ တစ်ယောက်မှ မရှိလောက်တော့ဘူးထင်တယ်။ ဖုန်းခေါ်ပြီး အရင်လို တစ်ယောက်ချင်းလိုက်ပြောဖို့ကြောင်တယ်လို့ ထင်သွားဦးမယ်။ ဖေ့ဘွတ်မှာသွားရေးဖို့ကျတော့လည်း သိပ်ပြီးဝါသနာမပါပြန်ဘူး။ ကိုယ့်ဗီဇကိုက ဘောင်ကျဉ်းကျဉ်းလေးထဲမှာပဲ လှောင်နေရတာကို သဘောကျတတ်တာထင်တယ်။ ဘာပဲဖြစ်ဖြစ် မနက်တုန်းကတော့ စာလေးတစ်စု ဖေ့ဘွတ်ပေါ်တင်ဖြစ်လိုက်ပါတယ်။ တခါတလေ အဲလိုလေးတင်ကြည့်ရတာလည်း စိတ်ဖျော်ဖြေမှုတစ်ခုပေါ့။
ဒီနေ့မှာတော့ စာရေးချင်စိတ်ကိုဖြစ်စေတဲ့မြင်ကွင်း ၃ ခုကို အာရုံဝင်စားဖြစ်ခဲ့တယ်။ မရေးဖြစ်တာက ပျင်းလို့ရော စိတ်တွေဒွိဟဖြစ်နေတာရောပေါ့။ ညနေတုန်းက ဆည်းဆာနေ၀င်နေတာလေးကိုကြည့်ပြီး ဘ၀နေ၀င်တာနဲ့ စပ်ဆက်တွေးမိသွားတယ်။ လူတွေတော်တော်များများ ဆည်းဆာကို တမြတ်တနိုးနဲ့ တန်ဖိုးထားခံစားတတ်ကြတယ်။ တရားသဘောနဲ့တွေးကြည့်လိုက်ရင် ဆည်းဆာဆိုတာ တစ်နေ့တာရဲ့ကုန်ဆုံးချိန် ဘ၀တစ်ခုရဲ့နေ၀င်ချိန်ပေါ့။ ဘ၀ဇာတ်သိမ်းတဲ့ လူ့ဘ၀ဆည်းဆာတွေမှာတော့ သိမ်းမူးပျော်ဝင်စရာကောင်းတယ်ရယ်လို့ဆိုတာ တခါမှ မကြားဖူးသေးဘူးဆိုတာလေးတွေးမိရင်း ငါ့ဘ၀ဆည်းဆာမှာရော ဘယ်သူတွေကများ မြတ်နိုးတန်ဖိုးထားကြမှာပါလိမ့်လို့ မဆီမဆိုင်တွေးမိသွားတယ်။
ဒုတိယမြင်ကွင်းတစ်ခု ညနေမိုးချုပ်ခါနီးလေးမှာ မိုးလေးဖွဲရာကနေ နဲနဲသဲသဲလေးရွာလိုက်သေးတယ်။ မိုးရွာရင်လည်း အပြင်ထွက်ပြီး မိုးငွေ့လေးကို မျက်နှာမှာ ဖျန်းပက်စေတဲ့အကျင့်တစ်ခုလည်း တိုးလာခဲ့တယ်။ တစ်ယောက်တည်းနေတာများတော့ ဂေါက်ကြောင်လာသလားတော့မပြောတတ်ဘူး။ လုပ်ချင်တာတွေ လျှောက်လုပ်နေတာတော့အမှန်ပဲ။ အဲလို မျက်နှာကို ၀ရံတာအပြင်ရောက်နိုင်သလောက်ရောက်အောက် ခြေဖျားလေးထောက် မျက်နှာလေးမော့ပြီး မိုးရေတွေခံရတာလည်း စိတ်ကို တစ်မျိုးပေါ့ပါးစေတယ်လို့ ခံစားမိတယ်။ မိုးရေလေးမျက်နှာပေါ် အေးအေးလေးကျနေတာကို အရသာခံရင်း အခန်းဟိုဘက် သစ်ပင်ကြီးရဲ့ သစ်ရွက်တွေပေါ် မိုးပေါက်လေးတွေကျတဲ့အသံတွေကလည်း တကယ့်ကို ဘသာဝကျကျ အနုပညာဆန်လွန်းနေတယ်။ အဲလိုနဲ့ပဲ မဆီမဆိုင် သစ်ပင်ကြီးကို ကျေးဇူးတင်မိပြန်တယ်။ ဒီသစ်ပင်ကြီးရှိနေလို့သာ မိုးစက်တွေသစ်ရွက်ပေါ်ကျတဲ့ သဘာဝသံစစ်စစ်ကို နားထောင်ခွင့်ရတာပေါ့ဆိုပြီးတော့ ကြံကြံဖန်ဖန် ကျေးဇူးတင်မိခဲ့တယ်။ ဒီနေရာမှာ ဒီလို သဘာဝတွေက ရှားသထက်ရှားလာတာဆိုတော့လဲ................။
နောက်ဆုံးတစ်ခုကတော့ ပထမဆုံးမှာရေးထားတဲ့ လမင်းကြီးပဲပေါ့။ မိုးလေးပြန်စဲသွားတာ နဲနဲကြာတော့ အပြင်ဘက်အပျင်းဆန့်ထွက်ရင်း လမင်းကြီးကို စက်ဝိုင်းကြီးနဲ့မြင်လိုက်ရတော့လည်း ခေါ်စရာမရှိ ပြောစရာနတ္ထိမို့ ဒီစာလေးရေးမိပါတယ်။ဘာပဲပြောချင်ချင် စာတွေနဲ့ချရေးလိုက်ရတာကလည်း စိတ်ထွက်ပေါက်တစ်ခုပဲမဟုတ်လား.............။