မနက် ၂ နာရီနဲ့ ၁၆ မိနစ်............
ညနေက အိပ်ထားတဲ့အရှိန်လေးနဲ့မို့လားမသိ ရုပ်ရှင်မကြည့်ဖြစ်တော့ရင် ဒီအချိန်ဆို အိပ်လိုက်တာနဲ့ အိပ်ပျော်နိုင်တယ်။ အိပ်ဖို့ မီးပိတ်ပြီးမှပဲ စာရေးချင်တဲ့စိတ်က ပြန်ဝင်လာတော့ နဂိုကမှ ညဆို ကြိုးစားအိပ်ဖို့ ၀န်လေးမိနေတတ်တာမို့ မီးပြန်ဖွင့်ပြီး စာရေးဖို့ ကွန်ပျူတာကိုပြန်ဖွင့်လိုက်တယ်။
ဒီတလော မီးဖိုးချွေတာပါဦးမယ်ဆိုတဲ့အတွေး ခေါင်းထဲ ခဏခဏရောက်လာတတ်လို့သာ ခုတလော ကွန်ပျူတာကို ဒီအတိုင်း ဖွင့်မထားတော့ဘူး အိပ်ရင် သူ့ကိုလည်းအနားပေးလိုက်တယ်။
စိတ်ထဲမှာက ကဗျာလေးတစ်ပုဒ်ရေးချင်တာပါ။ ဒါပေမဲ့ ကဗျာမထွက်လာပဲ စိတ်ထဲရှိတာပဲ လိုက်နှိပ်နေမိတာပဲ။ ဒီ စာမျက်နှာလေးမှာ ဘာပဲတင်တင် တခါတလေ ရောက်လာတတ်တဲ့ မိတ်ဆွေတို့ကိုတော့ အားနာမိပါတယ်။ကဗျာဆိုတာကလည်း ရေးချင်တာတောင် တခါတလေ ထွက်မလာတတ်ပေမဲ့ ရေးဖို့အခြေအနေမပေးခဲ့ရင်တောင် တခါတလေ စိတ်ထဲမှာပဲ ရွတ်ဆိုမိတတ်တာမျိုးလားတော့မသိဘူး။
နွေသံသရာ
တပင်ထဲမှာပဲ
ဝါနီစိမ်း အသွေးစုံလို့
ရာသီကို တစ်မျိုးတစ်ဖုံအလှဆင်ကြတယ်။
ကြွေစေဖို့ ခြွေတဲ့နွေလေ
ဝေစေဖို့ မွှေတဲ့နွေလေ
ကြွေချိန်မှာ မြေမှာခလို့
ဝေချိန်တန် ပြန်ဝေကြလေရဲ့။
ရာသီနဲ့ညှိတော့
ဆောင်းအကုန်နွေကူး
ဂိမာန်ဦးမို့ဆိုကြမှာပေါ့။
စာပန်းချီနဲ့ဆေးခြယ်တော့
သဘာဝအလှကို မမှီနိုင်ဘူးပေါ့လေ။
အနိစ္စတရားနဲ့ တွေးကြည့်တော့လည်း
ဖြစ်တယ် ပျက်တယ်
ပျက်တယ် ဖြစ်တယ်
မပြတ်လည်နေတဲ့
သံသရာ ၀ဲဂယက်တစ်ခုပါပဲနွေ....။ ။
(ရေးပြီးချိန် - မနက် ၂း၃၈ စနေနေ့ ၉ရက် ၃လ ၂၀၁၃)
နောက်ဆုံးတော့ အဲဒီစာသားတွေ ထွက်လာတယ်။ ကဗျာမည်သည် မမည်သည် အပထား ရေးပြီးသားမို့ ဆက်သိမ်းထားဖို့ပါပဲ။ ခေါင်းစဉ်ကိုတော့ နွေသံသရာလို့ ပေးလိုက်တော့မယ်။ တခါတလေ ခေါင်းစဉ်အရင်တွေးမိလို့ ရေးဖြစ်တာမျိုးရှိသလို တခါတလေ အခုလိုပေါ့ ဟိုတစ်စ ဒီတစ်စ ရေးပြီးမှ ခေါင်းစဉ်ပြန်ရှာရတာမျိုးလည်းရှိတာပေါ့။ ရေးချင်တာလေးကို ရေးချလိုက်ပြီးပြီ။ စာရေးဆရာမဟုတ်တော့လည်း စနစ်မကျဘူးပေါ့လေ.........:)
သူငယ်ချင်းမိတ်ဆွေများအားလုံး အပူအပင်ကင်းစွာ အိပ်စက်နိုင်ကြပါစေ။ အိပ်မက်ဆိုးမှလည်း ကင်းဝေးကြပါစေ။
