ပြန်ဆုံမယ် နဲ့ ရောက်တတ်ရာရာ

ပြန်ဆုံကြမယ်
ဘယ်အချိန်ဘယ်နေရာ
မသေချာသေးခင်မှာ
တိုက်ဆိုင်မှုနဲ့ဆုံလာတိုင်း
သတိရစွာလွမ်းဆွတ်ရင်း
အတွေးလေးတွေထဲကတစ်ဆင့်
ရင်ထဲမှာပဲ ပြန်ဆုံကြရအောင်။ ။

ဘယ်အချိန်ပြန်ဆုံကြမယ် မသေချာပေမဲ့ သတိရတိုင်း ရင်ထဲမှာ ပြန်ဆုံကြမယ် ရန်စစ်က နယ်ဝေးသူငယ်ချင်းတို့ရေ......။ ။ လေးနှစ်ကျော်ကြာဖြတ်သန်းခဲ့ရတဲ့ ဒီရန်စစ် ဘ၀တစ်ကွေ့မှာ သူငယ်ချင်းတို့နဲ့အတူ အမှတ်တရတွေများစွာ ခြေရာထင် ကျန်ရစ်ခဲ့တာတော့သေချာပါတယ်။ ။ ခင်ခွင့်ရခဲ့တဲ့အတွက် သူငယ်ချင်အားလုံးကို လှိုက်လှဲစွာကျေးဇူးတင်ပါတယ်။

ကျွန်မလဲကျတိုင်း တွဲထူခဲ့
အားငယ်တိုင်း အားပေးခဲ့
ဝမ်းနည်းတိုင်း ပျော်စေခဲ့
ဒီလိုသူငယ်ချင်းမျိုးတွေနဲ့
ထပ်ထပ်ခါခါ ပြန်ဆုံချင်သေးရဲ့......။

အမုန်းကြီးနေခဲ့ရတဲ့ ရန်စစ်ရေ... တကယ်ခွဲရတော့လည်း အပြည့် သိပ်ထည့်ထားတဲ့ လေးနှစ်စာ အဖြစ်အပျက်အားလုံးကို ရုတ်တရက်သွန်ချလိုက်ရသလို ရင်ထဲမှာ ဟာခနဲ ဗလာဖြစ်ကျန်ခဲ့တယ်ကွယ်။ ။ ပြန်လွမ်းရမဲ့ နေရာ၊အမှတ်တရအဖြစ် ကျန်ရစ်ခဲ့တော့ ရန်စစ်ရေ....။



ကျွန်မကတော့ လေနှင်ရာ လွင့်တဲ့ရွက်ဝါတစ်ရွက်လို မြေမှာပဲ ခခ၊ ရေထဲပဲကျကျ ရှိသမျှအားနဲ့တော့ လောကဓံဒဏ်ကို ကြံ့ကြံ့ခံနိုင်ဖို့ ကြိုးစားနေဦးမှာပါ။ သူငယ်ချင်းများအားလုံးလည်းပဲ ဘယ်သောင်ဘယ်ကမ်းပဲတင်တင် ဗေဒါပင်လို ဆေးဘက်လည်းဝင် ပတ်ဝန်းကျင်ကိုအလှလည်းဆင်ရင်း နောင်လာနောက်သားတွေအတွက် ဥပမာအားအင်လည်းဖြစ်စေမဲ့ ဗေဒါလို လူသားမျိုး ဖြစ်ကြပါစေလို့ ဆန္ဒပြုပါတယ်။

21.Dec.2013

မဖိတ်ခေါ်ပဲ ရောက်ရောက်လာတတ်တဲ့မွန်းကြပ်ခြင်းက ရင်ထဲမှာ ပျံ့နှံ့ပြည့်ကျပ်လျှက်။
တစ်စုံတစ်ရာလို့တောင် အမည်တပ်ဖို့ တခါတလေ  ခက်ခဲလွန်းနေတတ်တဲ့ ခံစားချက်တစ်ခု။
ရင်ဖွင့်ခွင့်ရှိပါရက်နဲ့ ရှင်းပြဖို့နက်နဲလွန်းတဲ့ ကိုယ်ကိုယ်တိုင်နားမလည်နိုင်သေးတဲ့ ကိုယ့်နှလုံးသာထဲက ဘာသာစကားအသစ်တစ်ခု။
အလိုလိုစီးကျလာတတ်တဲ့ မျက်ရည်မြစ်နှစ်စင်းခမျာ ယောင်ချာချာနဲ့အကြောင်းပြချက်မဲ့နေလေရဲ့။

I think I was strong
but my heart was torn
between a dream I want
and a reality which gone.

သူငယ်ချင်းများအားလုံးးးးးးးးးးးတခါတရံမှာတောင် နားလည်ရခက်တဲ့ မွန်းကြပ်ခြင်းမှ ကင်းလွတ်ကြပါစေ.....။
(မှတ်ချက်။ ။ မရေးတာကြာလို့ လတ်တလော ချရေးမိတာပါ။ ရေးထားတာ ၂ ခု က အစပ်အဟပ်မရှိပါဘူး။ အဂ်လိပ်လို ၀ါကျတည်ဆောက်မှားနေလားတော့မသိဘူး။:) ဘာပဲဖြစ်ဖြစ် သူငယ်ချင်းအားလုံးကိုကျေးဇူးပါ)

Happy birthday to me...

ဒီနှစ်တော့ သက္ကရာဇ်တွေထဲ ပုန်းနေခွင့်ရရင် ပုန်းလိုက်ချင်မိသည်။ သို့ပေမဲ့လည်း စက္ကန့်တွေရွေ့နေခဲ့တာ ကျွန်မတစ်ယောက်ထဲအတွက်မှ မဟုတ်တာ အချိန်က ဘယ်သူကိုမှ အားနာလို့ သနားလို့ မျက်နှာလိုက် ရပ်ပေးတဲ့အရာမဟုတ်ဘူးလေ။ ဒီတော့လည်း..................


 ကိုယ့်အတွက် ဆုတောင်းပေးပါပြီ....
Happy Birthday to me....and
အားလုံးအားလုံးကို သတိရပါသည် ။ :)


ဝေးဝေး နီးနီး သူငယ်ချင်းမိတ်ဆွေများအားလုံး အဆင်ပြေပျော်ရွှင်ပါစေလို့ ဆုတောင်းပေးပါတယ်။

ဒီနှစ်မွေးနေ့မှာတော့ အရင့်အရင်နှစ်က အမှတ်တရတွေ တစိမ့်စိမ့်ပြန်တွေး ပြုံးစရာတွေ ဗရုတ်သုတ်ခ အဖြစ်ကလေးတွေ ပြန်သတိရရင်း ပြုံးရာကနေ ရယ်မိပါတယ်။ အဲလိုအမှတ်တရတွေ ထားရစ်ပေးခဲ့တဲ့အတွက် ကျွန်မမွေးနေ့ရောက်တိုင်း အပြုံးနဲ့ ကျွန်မရဲ့ တစ်နှစ်တစ်နှစ် ခြေလှမ်းအသစ်တွေကို ဖြတ်သန်းနေဖြစ်ဦးမှာပါ။ အားလုံးပဲ အမှတ်တရလေးတွေအတွက်ရော အမှတ်တရကြီးတွေအတွက်ရော ထပ်တလဲလဲကျေးဇူးတင်ပါရစေ....။

ဒီနှစ်မွေးနေ့ကိုတော့

တရုတ်သီချင်းငြိမ့်ငြိမ့်လေးနဲ့
 အခန်းမီးမှိန်မှိန်အောက်မှာ
အဲကွန်းလေး တအေးအေးနဲ့ပေါ့
အမှတ်တရအတိတ်မြင်ကွင်းတွေကို
ဆွေးဆွေးလေး ပြန်တွေးရင်း
တစ်ယောက်ထဲ တိတ်တဆိတ်နဲ့ပြုံး
၃၀ ဆိုတဲ့ အသက်ကလေးကို
နွေးထွေးတည်ငြိမ်စွာ
ကြိုဆိုလိုက်ပါပြီ.............။:)

ရွှန်း..လဲ့ဖြာလင်း

လေပြေနုနုအဝေ့မှာ

မြက်ခင်းရနံ့ထုံသင်း

တိမ်မင်းကဖြူလွှလွှ

လမင်းကြီးလည်း ပြည့် ပြည့်ဝန်း

ရွှန်းရွှန်းစိုလဲ့ဖြာလင်း

ငွေမှင်ရည်အဆင်းနှယ်

ရှု မ၀နိုင်ဖွယ် သဘာဝအလှ

လရောင်ခင်းတဲ့ ညမင်းဝယ်

သြော်……

ရွှန်းလဲ့ဖြာလင်း ညမင်းဝယ်။ ။

 စကားမစပ် လသာရင် ကျွန်မကို သတိရသော သူငယ်ချင်းတွေကိုလည်း ကျေးဇူးတင်သောအားဖြင့် လသာညမှာ ကဗျာရေးဖို့ စိတ်ကူးထားရာကနေ ဒီကဗျာလေး ရေးဖြစ်သွားတဲ့အတွက်လည်း တဖန် ကျေးဇူးတင်ပါတယ်။ စာရေးဆရာ မဟူရာ (လွိုင်ကော်) ရဲ့ဝတ္ထုထဲက ကဗျာတွေဖတ်ပြီး စာရေးဆရာရဲ့ ဖွဲ့နွဲ့ဟန်ဖြင့် ကြိုးစားရေးကြည့်ထားတဲ့ ကဗျာလေးပါ။ စာရေးဆရာရဲ့ အနုအရွစာလုံးအလှတွေနဲ့အဖွဲ့အနွဲ့တွေကို အရမ်းနှစ်သက်အားကျခဲ့တာ ၀တ္ထုတွေစဖတ်ကတည်းကစပြီး အခုထိပါပဲ။ 
 သူငယ်ချင်းများလည်း လသာတဲ့ညချမ်းတွေမှာ ငြိမ်းအေးစွာ မှေးစက်နိုင်ကြပါစေလို့.....:)

 ဓါတ်ပုံကိုတော့ဒီကနေ ယူလာပါတယ်။

သဘာဝနည်းဖြင့် ဆံပင်ဖြောင့်ခြင်း

ဆံပင်ကို သဘာဝအတိုင်း ဖြောင့်စင်းနေစေဖို့ အိမ်မှာပဲ ပြုလုပ်လို့ရတဲ့ လွယ်ကူတဲ့ နည်းလမ်းတွေ ရှိပါတယ်။  သင့်အိမ်မီးဖိုချောင်မှ အလွယ်တကူ ရရှိနိုင်တာတွေကို အသုံးပြုပြီး သင့်ဆံပင်ကို သဘာဝအတိုင်း ဖြောင့်စင်းအောင် လုပ်ကြည့်ပါ။


နည်းလမ်း (၁)

- အုန်းသီးကိုခြစ်၊ အရည်ညှစ်ပြီး ရေခဲသေတ္တာထဲမှာ ၄၅ မိနစ်ကြာ ထည့်ထားပါ။

- အဲဒီနောက် ရေခဲသေတ္တာထဲက ထုတ်ပြီး အုန်းနို့အပေါ်ယံမှာ စုနေတဲ့ ခရင်မ်ကို ခပ်ယူပါ။

- အဲဒီခရင်မ်ထဲကို သံပရာအရည် သုံးစက်ထည့်ပြီး သေချာစွာ ရောမွှေပေးပါ။

- ရလာတဲ့ အရောအနှောကို ဦးရေပြားပေါ်လိမ်းပြီး ခေါင်းစွပ်စွပ်ထားပါ။

- တစ်နာရီလောက်ထားပြီးမှ ခေါင်းလျှော်ပေးပါ။

နည်းလမ်း (၂)

- နွာနို့တစ်ခွက်ထဲကို ပျာရည်တစ်ဇွန်း ထည့်ပါ။

- စတော်ဘယ်ရီသီး အနည်းငယ်ကို ခြေထည့်ပြီး အားလုံးကို နှံ့အောင် သေချာစွာ ရောမွှေပေးပါ။

- ရလာတဲ့ အရောအနှောကို ဆံပင်ပေါ် သုတ်လိမ်းပြီး အခြောက်ခံထားပါ။

- နှစ်နာရီကြာတဲ့အခါ ရှမ်ပူနဲ့ ခေါင်းလျှော်ပေးပါ။

နည်းလမ်း (၃)

- နွာနို့က ဆံပင်ဖြောင့်စင်းဖို့အတွက် အလွန်အသုံးဝင်ပါတယ်။ နွားနို့ကို ဖျန်းလို့ရတဲ့ ပုလင်းထဲထည့်ပြီး ဆံပင်ပေါ်ကို ဖျန်းပေးပါ။

- အဲဒီနောက် ဆံပင်ကို ရှမ်ပူနဲ့ လျှော်ပါ။

- ဆံပင်တွေ ရေစိုနေတုန်းမှာ ညင်သာစွာ ဘီးနဲ့ဖြီးပါ။

နည်းလမ်း (၄)

- သံလွင်ဆီကို အနည်းငယ် အပူပေးပြီး ဆံသားအားလုံးအနှံ့ လိမ်းပေးကာ ဦးရေပြားကို ညင်သာစွာ နှိပ်နှယ်ပေးပါ။

- အဲဒီနောက် တဘက်နဲ့ ခေါင်းပေါင်းပြီး နာရီဝက်ကြာမှ ခေါင်းလျှော်ပါ။

- ဆံသားကို တောက်ပြောင်စေရုံ သာမက အရှည်မြန်စေပါတယ်။

ဒီနည်းလမ်းတွေထဲက တစ်ခုကို စွဲစွဲမြဲမြဲ လုပ်ပေးပါက ဆံသားဖြောင့်စင်း စေပါတယ်။
မူရင်းလင့်ခ်

whiskey lullaby

"ချစ်" ရေးပေးခဲ့တဲ့ သီချင်းနာမည်လေးတွေအတိုင်း တစ်ပုဒ်ချင်း လိုက်နားထောင်ရင်း ....ဇာတ်လမ်းကိုတောင် မြင်ယောင်သွားမိတဲ့ ဒီသီချင်းလေးကို မကြိုက်ပဲမနေနိုင်လို့ တင်လိုက်ပါတယ်။ နားဆင်ကြည့်ပါ...ရုပ်ရှင်ကြည့်နေရသလိုပါပဲ.. စကားလုံးတွေက ရိုးရှင်းပြီး ရသမြောက်လွန်းပါတယ်။

မှတ်ချက်။ ။ "ချစ်" = ချစ်စုဝင်းထိန် :)
အင်္ဂလိပ်သီချင်းတွေ နားထောင်ချင်ပေမဲ့ ဘာတွေနားထောင်ရမှန်းမသိလို့ ကျွန်မကို သီချင်းကောင်းတွေ နားထောင်စေချင်တဲ့စေတနာနဲ့  ကောင်းနိုးရာတွေရွေးချယ်ပြီး သီချင်းနာမည်တွေ ရေးပေးခဲ့တဲ့ သူငယ်ချင်းချစ်ကို ကျေးဇူးတင်ပါတယ်။

လွမ်း.....လွမ်း

ငုပိတောက်တွေ ပွင့်လို့လန်း
နွေလေဦးတွေ တဖြန်းဖြန်း
အတာသင်္ကြန်က အံ့မခန်း။

ပက်ဖြန်းမဲ့အတာရေတွေ
နံ့သာမွှေးလို့ရင်မှာအေး
အပူပြေလို့အပျော်တွေဝေစေ။

အတာသင်္ကြန်ကို မြတ်နိုးသူ
မြန်ပြည်ကြီးနဲ့ဝေးသူမှာ
အခန်းလေးထဲမှာ တွေးကာလွမ်း
အွန်လိုင်းမှာပဲ ငေးကာလွမ်း
တွေးကာလွမ်း  ငေးကာလွမ်း
........လွမ်း လွမ်း လွမ်း။:P


ဓါတ်ပုံလင့်ခ် 
ရေးပြီးချိန်။ ။ ညနေ ၄း၀၆ တနင်္ဂနွေနေ့ ၁၄.၄.၂၀၁၃

ပေါ့ပေါးပါးပါးလေး ရေးကြည့်တာပါ။ စိတ်ထဲက လာသမျှ ချရေးသည်။:P

သူငယ်ချင်းများအားလုံး မင်္ဂလာနှစ်သစ်မှာ သစ်လွင်တောက်ပတဲ့ ခြေလှမ်းနဲ့အတူ အေးချမ်းစွာ ပျော်ရွှင်ကြည်နူးနိုင်ကြပါစေ။

ဂျပန်ကာတွန်း -၃

ဒီတစ်ခါတော့ လွယ်လွယ်လေး ကြည့်လို့ရတဲ့ လင့်ခ်ကိုပဲ ရှာထည့်ထားပါတယ် :)

(Whisper of the heart)  http://www.animeplus.tv/whisper-of-the-heart-movie


(The girl who leapt through time) http://www.animeplus.tv/the-girl-who-lept-through-time-movie
 
(Miyori) http://www.animeplus.tv/miyori-no-mori

(Porco Rosso)  http://www.animeplus.tv/porco-rosso-movie

(paprika ) http://www.animeplus.tv/paprika-movie